Bu gün “Taxta bazarı”nda vəfat edən şəxs mərhum xalq artisti Ramiz Novruzun qaynıdır

“Bəli, təəssüf ki, xəbər doğrudur. Vəfat edən şəxs mənim dayımdır. 3-cü dəfədir ki, başına belə iş gəlir, mağazası yanır. Bu dəfə artıq ürəyi dözmədi. Xəbəri eşidən kimi ürəyi partlayıb, ölüb. Artıq dəfn də olunub”, – deyə Cavidan Novruz bildirib.
Məlumatı Cavidan Novruzun bacısı, stilist Şəfəq Novruzova da təsdiq edib.
“Tikinti malları olan yerdəki yanğında cəmi bir nəfər rəhmətə gedib. O da mənim dayımdır. Doğma dayım. Anamın qardaşıdır. Bilmirəm xəbəri anama necə deyim”, – o, sosial şəbəkədə paylaşdığı videoda deyib.

Şəfəq və Cavidanın atası, Xalq artisti Ramiz Novruzov cari ilin 21 fevral tarixində 67 yaşında onkoloji xəstəlikdən dünyasını dəyişib.