Biləsuvar şəhərində uzun illərdən bəri yararsız olan səkilərin yenidən tikintisi işləri davam etdirilir.“Blesuvarinfo” xəbər verir ki, ötən ildən start götürülən işlərin davamı olaraq, Səməd Vurğun, Nəriman Əlizadə küçələrində xeyli məsafədə səki daşları yenidən qurulub, yaxın vaxtlarda asfalt örtüyü ilə da təmin olunacaq.
Həmçinin, Heydər Əliyev kücəsində sonrakı dövrlərdə aparılan yenidənqurma işləri zamanı piyada səkisinin tikintisi zamanı buraxılan nöqsanlar aradan qaldırılır. Belə ki, işiq dirəkləri səkidən kənarlaşdırıldıqdan sonra, səkinin eni normal ölçüyə gətiriləcək.
Tikinti işlərini aparan şirkətin iş icraçısı Seyidağa Mirzəyev bildirmişdir ki, görülən işlərin keyfiyyətinə xüsusi önəm verilir: “ Piyada səkisi yeni üzlük daşlarla döşənərək, ətrafı boyu həmişəyaşıllar əkiləcək. Dirəklər quraşdırılarkən az sərfiyyatı ilə işləyən “LED” tipli müasir işıqlandırma lampalar quraşdırılacaq.”
Biləsuvar Rayon icra Hakimiyyətindən verilən məlumatda bildirilmişdir ki, mərhələ-mərhələ şəhərin bütün küçələrində piyada səkilərinin əsaslı olaraq tikinti işləri davam etdiriləcək.
