Biləsuvar rayonunda Ağsaqqallar Şurasının növbədənkənar konfransı keçirilib."Bilesuvarinfo"nun məlumatına görə, tədbirdə Biləsuvar Rayon İcra Hakimiyyətinin başçısı Faiq Qürbətov, Azərbaycan Ağsaqqallar Şurasının sədr müavini Vahid Novruzov, Milli Qəhrəman Mübariz İbrahimovun atası Ağakərim İbrahimov və ictimaiyyət nümayəndələri iştirak edib.
Konfransda torpaqlarımızın azadlığı uğrunda canından keçən əziz qəhrəmanlarımızın və hesabat dövrü ərzində vəfat etmiş ağsaqqalların xatirəsini bir dəqiqəlik sükutla yad edilib.
Çıxış edənlər bildirib ki, cəmiyyətimizdə xüsusi yeri və hörməti olan ağsaqqallarımızın tövsiyyə və məsləhətlərinə hər zaman ehtiyac vardır. Bu gün də gənclərin dövlətə, xalqa sadiq, vətənə bağlı, zərərli, yad təsirlərdən uzaq və sağlam əsaslar üzərində tərbiyyə olunması işində ağsaqqallarımız yorulmadan fəaliyyət göstərmələrini xüsusi qeyd edilib.
Növbədənkənar konfransda Akif Naib oğlu Kazımovun Biləsuvar rayon Ağsaqqallar Şurasının sədrliyinə namizədliyi verilərək yeni sədri seçilib.
Qeyd edək ki, bundan əvvəlki sədr Əli Babayev təxminən 6 ay öncə insultdan vəfat edib.
