Şeirim balamın nəyinə gərək » Yerli İnformasiya Agentliyi
» » » Şeirim balamın nəyinə gərək

Şeirim balamın nəyinə gərək

Yazdığım hər sətri varaqlayıram,
Balamın nə qarnı, nə gözü doymur.
Şeirim balamın nəyinə gərək,
Ayağına geymir, başına qoymur.

Mənsəb arxasıyca qaçmamışam mən,
Bir parça kağızdı varım, dövlətim.
Zirvəyə can atan nə çox həyatda,
Yazdığım şerimdi mənim qiymətim.

Şıltaq nəvələri üşüyən kimi,
Şerimi yandırır anam ocaqda.
Misralar yetim tək döyür gözünü,
Boylanır üzümə küncdə-bucaqda.

Bir də xoş günlərə çətin yetişəm,
Dərdimə bükürəm şeirlərimi.
Gecələr ürəyim ağrıyan zaman,
Gözümdən tökürəm şeirlərimi.

Şakir Məhbusi, 
Biləsuvar rayonu, Ağayrı kəndi
Şərhlər: 0
Şərh yaz
İnformasiya
Qonaq qrupunda olanlar istifadəçilər bu Xəbəra şərh əlavə edə bilməz.
Karvan ailəvi restoran