Biləsuvar rayonunda şəhidlərin xatirəsinin əbədlişdirilməsi üçün işlər davam etdirilir."Bilesuvarinfo" xəbər verir ki, bu məqsədlə rayonunun Nərimankənd kəndində 6 qəhrəman şəhidin yaşadıqları evlərə xatirə lövhələri vurulub.
Vətən övladının xatirə lövhələrinin açılış mərasimində Biləsuvar Rayon İcra Hakimiyyətinin başçısı Faiq Qürbətov, rayonun hüquq-mühafizə orqanlarının rəhbərləri və kənd ictimaiyyətinin nümayəndələri iştirak edərək şəhidlərin valideynləri və yaxınları ilə görüşüblər.
Tədbirdə ölkəmizin ərazi bütövlüyünün bərpası, torpaqlarımızın düşməndən təmizlənməsi uğrunda döyüşlərdə canlarını Vətən uğrunda fəda edən şəhidlərimizin şərəfli döyüş yolundan danışılaraq, onların əbədi olaraq yaddaşlara yaşayacaqları və tarixin bütün dövrlərində minnətdarlıqla anılacaqları bildirilib.
Mərasim zamanı şəhid valideynləri və yaxınları ilə görüşən Biləsuvar Rayon İcra Hakimiyyətinin başçısı F. Qürbətov Azərbaycan xalqının qüruru, fəxri olan şəhidlərimizin xatirəsinin daim əziz tutulacağını, dövlətimizin hər zaman şəhidlik zirvəsinə ucalan igidlərimizin ailələrinin yanında olacağını qeyd edib.
.jpg)
.JPG)
