Biləsuvarda ata və qızı sertifikatlaşdırma imtahanında yüksək bal toplayıb

Təhsilverənlərin sertifikatlaşdırılması prosesinin test imtahanı mərhələsində iştirak edən və fizika fənnini tədris edən ata və qızı yüksək nəticə əldə edib.

“Biləsuvarinfo" xəbər verir ki,  fizika fənnini tədris edən Siyasət İsayev imtahandan 57 bal toplayıb. O, Milli Qəhrəman M.İbrahimov adına Biləsuvar Təhsil Kompleksində və R. Mikayılov adına Bəydili kənd tam orta məktəbində çalışır.

S. İsayevin övladı Ulduzə İsayevada fizika fənni üzrə 55 bal toplayıb. U. İsayeva Biləsuvar rayonu M.Piriyev adına tam orta məktəbində çalışır.

Qeyd edək ki, hər iki şəxs Biləsuvar şəhəri Nizami Gəncəvi adına 1 nömrəli tam orta ümumtəhsil məktəbində yaradılmış imtahan mərkəzində imtahan veriblər.