Biləsuvarda “Haqqın 44 günü” adlı teatr tamaşası nümayiş olundu

"Bilesuvarinfo.az" xəbər verir ki, Lənkəran Dövlət Dram Teatrı tərəfindən təqdim olunan tamaşa Biləsuvar Rayon İcra Hakimiyyətinin başçısı Faiq Qürbətov, Şirvan-Salyan Regional Mədəniyyət İdarəsinin rəisi Araz Əlizadə, hüquq-mühafizə orqanlarının, idarə, müəssisə və təşkilatların rəhbərləri, kollektivləri, şəhid ailələri, qazilər və rayon ictimaiyyəti tərəfindən izlənilib.

 
Tamaşada birinci və ikinci Qarabağ müharibəsində baş verən hadisələr, xalqımızın igid oğullarının döyüşlərdə göstərdiyi şücaətlər obrazlı şəkildə əksini tapıb. Səhnə əsərində həmçinin müharibələrin xalqların taleyində, gündəlik həyat və məişətində yaratdığı çətinliklərdən, ağrı-acılardan da bəhs olunur,  müzəffər Ordumuzun əzmkarlığı uğurla nümayiş olunub.

Tamaşadan sonra teatrın truppası ilə görüşən Biləsuvar Rayon İcra Hakimiyyətinin başçısı Faiq Qürbətov Zəfərimizdən bəhs edən gözəl tamaşanın hazırlanmasına görə təşəkkürünü bildirərək,  komandaya uğurlar arzulayıb.

Qeyd edək ki, tamaşanın müəllifi və quruluşçu rejissoru Anar Babalı, quruluşçu rəssamı Adil Əsədli, musiqi tərtibatçısı Fərahim Fərəcovdur.