Tütün məmulatlarından istifadə qaydalarını pozan şəxslərə qarşı profilaktik tədbir keçirilib

Biləsuvarda tütün məmulatlarından istifadə qaydalarını pozan şəxslərə qarşı profilaktik tədbir keçirilib.

Biləsuvar Rayon Polis Şöbəsinin əməkdaşları tərəfindən rayon ərazisində yerləşən obyektlərdə keçirilən tədbirlər zamanı qapalı məkanlarda siqaret çəkən, eləcə də tütün məmulatı tullantılarını ətrafa atan 26 nəfər barəsində inzibati protokol tərtib olunub.

Bundan əlavə, şöbə əməkdaşları tərəfindən inzibati ərazidə hüquqpozmalara qarşı keçirilən tədbirlər zamanı Biləsuvar şəhəri ərazisində qanunsuz ağackəsmə faktı, Xırmandalı kəndi ərazisində isə 1 nəfərin qanunsuz ov etməsi aşkarlanıb. 

Aşkarlanan faktlarla bağlı İnzibati Xətalar Məcəlləsinin müvafiq maddələri ilə protokollar tərtib olunub.