Biləsuvar üzrə 188 şagird Fənn olimpiadalarının yarımfinalına vəsiqə qazanıb

Şirvan-Salyan Regional Təhsil İdarəsinin əhatə etdiyi rayonlar üzrə ümumi təhsil müəssisələrindən 977 şagird respublika fənn olimpiadalarının növbəti mərhələsində iştirak edəcək.

Bu barədə "Bilesuvarinfo"ya Regional Təhsil İdarəsindən məlumat verilib.

Bildirilib ki, fənn olimpiadalarının yarımfinal mərhələsinə Neftçala rayonu üzrə 215, Salyan rayonu üzrə 186, Biləsuvar rayonu üzrə 188, Hacıqabul rayonu üzrə 99, Şirvan şəhəri üzrə 289 şagird vəsiqə qazanıb.