"Uğur" marketdə, yeməkxanada və dönər evində nöqsanlar tapılıb - SİYAHI

Azərbaycan Qida Təhlükəsizliyi Agentliyinin (AQTA) qida sahəsində fəaliyyət göstərən 34 ticarət müəssisəsi və 4 ictimai iaşə müəssisəsində həyata keçirilən monitorinqlər zamanı ümumilikdə 27 müəssisədə nöqsanlar müəyyən olunub.

Bu barədə "Bilesuvarinfo"ya AQTA-dan məlumat verilib.

Yoxlama nəticəsində obliqat qrupuna daxil olan işçilərin ilkin və dövri tibbi müayinədən keçirilməməsi, baytarlıq şəhadətnaməsi və ya arayışı olmayan heyvan mənşəli məhsulların qəbulu, Azərbaycan dilində markalanması olmayan məhsulların satışı ilə bağlı nöqsanlar aşkar edilib.

Biləsuvardada Ticarət obyektində və 2 İctimai iaşə müəssisələrində nöqsanlar müəyyən olunub: 

1. "Uğur" market (Biləsuvar şəhəri, H.Əliyev küçəsi) - 1.Obliqat qrupuna daxil olan işçilərin ilkin və dövri tibbi müayinədən keçməməsi
2.Baytarlıq şəhadətnaməsi və ya arayışı olmayan heyvan mənşəli məhsulların qəbulu.

2. Abbasov Adil Böyükağa oğluna məxsus yeməkxana (Biləsuvar şəhəri, H.Əliyev prospekti)  - Obliqat qrupuna daxil olan işçilərin ilkin və dövri tibbi müayinədən keçməməsi.

3. Cəbrayılzadə Zaur Tofiq oğluna məxsus dönər evi (Biləsuvar şəhəri, H.Əliyev prospekti) - Obliqat qrupuna daxil olan işçilərin ilkin və dövri tibbi müayinədən keçməməsi