Zəhmətabad kəndində şəhidlərin xatirəsinə ağacəkmə aksiyası keçirilib.Bu gün rayonun Zəhmətabad kəndində “Qarabağ” ordenli şəhid kapitan Elçin Tağıyevin atası Ağaqulu Tağıyevin təşəbbüsü və Biləsuvar Rayon İcra Hakimiyyətinin dəstəyi ilə şəhidlərin xatirəsinə ağacəkmə aksiyası keçirilib.
Ağacəkmə aksiyasında Biləsuvar Rayon İcra Hakimiyyəti başçısının birinci müavini Azər Cəfərli, İcra Hakimiyyətinin məsul şəxsləri, şəhidin atası Ağaqulu Tağıyev, kənd sakinləri və Kommunal Müəssisələr Kombinatının kollektivi iştirak edib.
Ərazidə hamarlama və təmizlik işləri aparıldıqdan sonra 40-a yaxın Xan çinarı əkilərək suvarılıb. Gələcəkdə ərazinin hasara alınması, əlavə ağac və gül kollarının əkilməsi planlaşdırılıb.
