Xocalı faciəsi qurbanları anılaraq, 613 ağac əkilib
Biləsuvar rayonunda Xocalı soyqırımının 30-cu ildönümü qeyd edilib. "Bilesuvarinfo" xəbər verir ki, faciə qurbanlarını ildönümü ilə əlaqədar rayon rəhbərliyi və ictimaiyyətinin nümayəndələri Mərkəzi Parkda yerləşən “Ana” abidəsi ziyarət ediblər. Daha sonra, Xocalı soyqırımının 30-cu ildönümünə həsr olunmuş ağacəkmə aksiyası keçirilib. Aksiya çərçivəsində Rayon İcra Hakimiyyətinin başçısı Faiq Qürbətov, rayonun hüquq-mühafizə orqanlarının , idarə, müəssisə və təşkilatların rəhbərləri və kollektivlərinin iştirakı ilə Mərkəzi Parkda və Rayon Mərkəzi Xəstəxanasının həyətində simvolik olaraq 613 ədəd ağac əkilib