Dövlət Yol polisi əməkdaşları Biləsuvar rayonunda reyd keçirib.
"bilesuvarinfo.az"nun məlumatına görə, yol hərəkətinin təmini, xüsusilə yollarda dayanma-durma qaydalarına, o cümlədən avtomobillərin piyada səkilərində və avtobus dayanacaqlarında saxlamaqla yol hərəkəti qaydalarını pozan sürücülərə qarşı Biləsuvar RPŞ-nin DYPB-nin əməkdaşları tərəfindən reyd keçirilib.
Reyd zamanı Yol patrul xidməti əməkdaşları tərəfindən qeyd olunan yol hərəkəti iştirakçıları ilə maarifləndirici və proflaktik söhbətlər aparılmış, qeyd olunan qayda pozuntularına yol vermiş avtomobil sürücüləri barəsində Azarbaycan Respublikasının İnzibati Xətalar Məcəlləsinin 346.1, 346.2 və 346-1.2 -ci maddələri ilə inzibati xəta haqqında protokollar tərtib edilməklə inzibati məsuliyyətə cəlb ediliblər.
Tərtib edilmiş tədbirlər planına uyğun olaraq xidməti ərazilərdə reydlər mütəmadi olaraq davam etdiriləcəkdir.
