Nə yaxşı ki, dünyada müqəddəs vətən,
Nə yaxşı ki, müqəddəs and yerimiz var.
Yox, yox acımıram bu ölümə mən,
Namuslu oğullar şəhid doğular.
Vətən şərəfdir, Vətən namusdur, ulu əcdadların ruhu, babaların məzar yeri, minillik kök salmış xalq, heç vaxt ölməyən inam, Vətən anadır, bizə əbədi olaraq sahib çıxan sahibimizdir.
Son 30 ildə Vətənimizə xor baxan, bir parçasını zəbt edən düşmənin qəsbkarlığına güzəşt etmək olmazdı. Ancaq, uzun illərdir ki, biz bu ədalətsizliyə səbr etdik, gözlədik, bəlkə qan tökülməsin. Bəlkə qarı düşmən tökə ətəyindəki daşları yerə. Beynəlxalq təşkilatların tələblərinə, BMT-nin Təhlükəsizlik Şurasının 4 qətnaməsinə, ATƏT-in Minsk Qrupunun göstərişlərinə əhəmiyyət verməyən Ermənistan dövləti müharibəni qaçılmaz etdi.
Biz Azərbaycan xalqı öz əzəmətli, yenilmız ordusu ilə, Müzəffər Ali Baş Komandanının rəhbərliyu ilə öz itirilmiş torpaqlarımızı geri qaytardıq.İndi isə əzəli və əbədi Qarabağ torpaqlarında bərpa işləri aparılır. Artıq Azərbaycan bütövləşmiş və çiçəklənməkdədir.
Rəşad Əliyev,
müəllim
- 4 aprel, 16:50
- 912 dəfə oxunub
- 0
