Hərbi qənimətlər parkının açılışından sonra bir daha gördük ki, Azərbaycanı zəfərini həzm edə bilməyənlər hələ də ümidlərini itirməyib və bizimlə təhdid dilində danışmaq mümkün olmadığı üçün ümidləri çirkin mübarizə üsullarına qalıb. Bu işdə onlar xüsusən gənc nəsili hədəfə alaraq onlarda milli ruhu öldürməyə çalışırlar.
Təsadüfi deyil ki, Yeni Azərbaycan Partiyasının VII qurultayındakı nitqində də prezident İlham Əliyev gənc nəsillə iş aparılmasını ümummilli məsələ kimi vurğulamışdı. Bu yanaşmanı rəhbər tutaraq rayona hər gedişimdə ən azı bir məktəbdə şagirdlərlə görüşərək bu istiqamətdə söhbət aparmağa, onları maraqlandıran suallara cavab verməyə çalışıram. Bu dəfəki səfərdə Bağbanlar kənd tam orta məktəbin 9b sinifi ilə görüşdük.
