Biləsuvar rayonunda ağır yol qəzası baş verib." Bilesuvarinfo" xəbər verir ki, hadisə dünən axşam vaxtı Biləsuvar-Bəhrəmtəpə avtomobil yolunun rayonun Nəsimikənd kəndindən keçən hissəsində qeydə alınıb.
Rayonun Nəsimikənd sakini Əliyev Bayram Hazarxan oğlu "Niva" markalı minik avtomobili ilə hərəkətdə olarkən, ətrafda yerləşən şadlıq evindən çıxan piyadanı vurub.
Hadisə şahidlərinin sözlərinə görə, piyada Ağayrı kənd sakini 1953-cü il təvəllüdlü İxtiyar Qurbanov qəfildən avtomobilin qarşısına çıxdığından çiddi xəsarət alıb.
O, Biləsuvar Rayon Mərkəzi xəstəxanasına çatdırılsa da, həyatını xilas etmək mümkün olmayıb.
Faktla bağlı araşdırma aparılır.
