Fövqəladə Hallar Nazirliyinin Dövlət Yanğın Nəzarəti Xidmətinin Muğan regional Dövlət Yanğın Nəzarəti İdarəsi tərəfindən Biləsuvarda yanğın təhlükəsizliyi mövzusunda seminar-müşavirə təşkil edilmişdir.“Bilesuvarinfo” xəbər verir ki, müşavirə “Aqropark Yaşıl Ada” MMC-də açıq havada, “Yay mövsümündə yanğın təhlükəsizliyi tədbirləri” mövzusunda keçirilmişdir. Seminar-müşavirədə Fövqəladə Hallar Nazirliyinin adı öncə çəkilən regional idarəsinin rəisi, daxili xidmət polkovniki Orxan Məmmədyaraov, “Aqropark Yaşıl Ada” MMC – nin rəhbərliyi və mexanizatorları, Biləsuvar rayon Polis şöbəsinin əməkdaşları, rayon bələdiyyələrinin sədrləri, habelə fərdi təsərrüfat rəhbərləri iştirak etmişdir.
Tədbirdə yay mövsümündə ümumyanğın təhlükəsizliyi tədbirləri ilə yanaşı, dənli və texniki bitkilərin yığılması, daşınması və emalı prosesində nəzərdə tutulan yanğın təhlükəsizliyi qaydaları izah olunmuşdur. Kənd təsərrüfatı texnikalarının ilkin yanğınsöndürmə vasitələri ilə təmin edilməsi, onlardan istifadə və qaydalarla bağlı digər tələblər təsərrüfat sahibləri və mexanizatorların diqqətinə çatdırılıb.
Seminar-müşavirədə təbir iştirakçılarını maraqlandıran suallar cavablandırılmışdır.
.jpg)
