Final mərhələsinə vəsiqə qazanmış şagirdlə görüş keçirilib - FOTO

Biləsuvar Rayon Təhsil Şöbəsinin müdiri Aqşin Bağırovun Respublika Fənn Olimpiadasının final mərhələsinə vəsiqə qazanmış şagird - Aşağı Cürəli kənd tam orta məktəbin 11-ci sinif şagirdi Kəlbiyeva Zəhra Əfqan qızı ilə görüşüb. Görüşə həmin  məktəbin rəhbəri, Zəhranın müəllimləri olan Sevinc Cəfərova,  Hikmət Abışov da dəvət alıb. 

"Bilesuvarinfo" xəbər verir ki, A.Bağırov  olimpiadanın yarımfinal turunda müsbət nəticə göstərdiyi üçün şagirdimizi təbrik edərək növbəti mərhələdə ona uğur arzulayıb, bu uğurun əldə olunması istiqamətində göstərdikləri səyə görə müəllimlərə təşəkkür edib.

Görüş zamanı K.Zəhra Fəxri Fərmanla, fənn müəllimləri isə Təşəkkürnamə ilə təltif edilib.

XƏBƏRLƏR ŞÖBƏSİ