“Haqqın 44 günü” tamaşası nümayiş olundu - Fotolar

Biləsuvar rayon Mədəniyyət Evində  Zəfər Gününə həsr olunan tamaşa nümayiş olunub.

"Bilesuvarinfo" xəbər verir ki,  “Haqqın 44 günü” adlı tamaşa  Lənkəran Dövlət Dram Teatrının yaradıcı heyəti tərəfindən  nümayiş olundu. Tamaşaya Biləsuvar Rayon İcra Hakimiyyətinin başçısı Faiq Qürbətov, hüquq-mühafizə orqanlarının, idarə, müəssisə, təşkilatların rəhbərləri, şəhid ailələri, Vətən müharibəsi iştirakçıları və rayon sakinləri baxıb.
Tamaşadan sonra Biləsuvar Rayon İcra Hakimiyyətinin Başçısı Faiq Qürbətov çıxış edərək tarixi zəfərimizin hər bir azərbaycanlının qürur mənbəyi olduğunu vurğuladı və Zəfər Günü ərəfəsində teatrın Biləsuvar rayonunda nümayiş olunmasında  rolu olan hər kəsə təşəkkür etdi.

Sonda xatirə şəkli çəkdirilib.