Biləsuvar rayonunda iki körpünün tikintisinə başlanılıb."Bilesuvarinfo" xəbər verir ki, rayonun Bəydili kəndində bu gündən tikntisinə başlanılan yeni körpülər xüsusi əhəmiyyətə malikdir.
Belə ki, kənd ərazində istismara yararsız olan körpünün yerində və digər istiqamətdə yeni körpülər tikilib, istifadəyə veriləcək. Bununla, qonşu Xırmandalı kəndinə və magistral yola həm çıxış xeyli yaxınlaşacaq, həm də təhlükəsiz olacaq. Həmin kəndlərdə ümumilikdə yaşayan 20 min nəfərə yaxın əhali bu körpüdən yararlanacaq.
Qeyd edək ki, "Azəraftoyol" ASC tərəfindən kəndin mərkəzində yenilənən körpünün uzunluğu 12 mt, eni 9 mt. olacaq. Kəndləri birləşdirəçək yeni körpü isə 25 mt. uzunluğunda, 9 mt. enində olacaq.
"Biləsuvar Betonzavad"un da yaxından iştirak etdiyi tikinti işləri normalara ciddi əməl olunmaqla həyata keçirilir.
