“Bilesuvarinfo” xəbər verir ki, Biləsuvar şəhər 4 saylı tam orta məktəbdə olan bütün siniflərə şahidlərin adı verilib. Məktəbdə yaradılan guşələrdə Biləsuvarın Vətən muharibəsində 69 şəhidinin xatirəsi əbədiləşdirilib. Məktəblilərin şəhidlərimizin vətənpərvərliyi və qəhrəmanlığı barədə məlumatlandırılması üçün davamlı iş aparılır.
Siniflərə şəhidlərimizin adlarının verilməsi şagirdlərin Vətənə məhəbbət hissinin, vətənpərvərlik duyğularının daha da yüksəlməsində və təhsildə daha böyük uğurlar qazanmalarında mühüm rol oynayır. Bunu deyən məktəbin direktoru Elşən Ağazadə qeyd etdi şagirdlər “Hər sinifə bir şəhid“ devizi altında şəhidlərmizin doğum və anım günlərində xüsusi fəallıq göstərir: ” Sinif otaqlarına şəhidlərimizin adlarının verilməsi şagirdlərin üzərinə böyük məsuliyyət qoyur. Onlar göstərilən etimadı doğrultmaq üçün təhsildə müvəffəqiyyət qazanmalarının və vətənpərvər olmalarının vacibliyini bilirlər . “
... Bu günlərədə Vətən müharibəsi şəhidi Əlizadə Nəriman Nurəhməd oğlunun anım günü olmuşdur. Biləsuvar rayon içtimaiyyətinin nümayəndələri şəhidimizin doğulduğu ata ocağında olmuş və Biləsuvar şəhər qəbiristanlığında məzarını ziyarət etmişlər.
Biləsuvar şəhər 4 saylı tam orta məktəbdə, şəhid Nəriman Əlizadənin adını daşıyan 5 “e” sinifin şagirdləri də şəhidin evində omuş, hazırladıqları kompozisiyanı təqdim etmiş, vətənpərvərlik mövzusunda şeirləri səsləndirmişlər. Bu sinifin rəhbəri Elmin Nuri şəhid valideyinləri ilə görüşdə şəhidlərə xalqımızın sonsuz sevgi və ehtiramından danışmışdır.
Qeyd edək ki, Nəriman Əlizadə 1997-ci ilin 06 aprelində Biləsuvar şəhərində anadan olmuşdur. Orta təhsilini rayonda başa vurduqdan sonra, Azərbaycan Dövlət Bədən Tərbiyəsi və İdman Akademiyasında təhsil alıb. O, bacarıqlı futbolçu olmuş "Rəvan" və "Neftçi" futbol klublarının aşağı yaş qruplarında çıxış edib.
Hərbi xidmətdən ötən ilin iyul ayında qayıdan N. Əlizadə Vətən müharibəsi başlayan zaman yenidən ordu sıralarına könüllü qayıdıb. Cəbrayıl, Füzuli və Xocavənd uğurunda gedən döyüşlədə qəhrəmancasına döyüşüb, şəhid olub.
Nəriman şəhadətindən sonra müzəffər Ali Baş Komandan tərəfindən "Vətən uğrunda", "Xocavəndin azad olunmasına görə", "Füzulinin azad olunmasına görə" və “Cəsur döyüşcü ” medalları ilə təltif olunub.