Zəfər ilə nəticələnən 44 günlük Vətən müharibəsi şəhidlərini bir dəqiqəlik sükut ilə yad etmə anından sonra Rayon Təhsil Şöbəsinin müdiri A.Bağırov ilk öncə yeni dərs ili münasibəti ilə bütün təhsil işçilərini təbrik edib və uğurlar arzulayıb.
"Bilesuvarinfo" xəbər verir ki, görüş müddətində 2021-2022-ci tədris ilinə aid 16 sentyabr 2021-ci ildə Şirvan şəhərində keçirilmiş ənənəvi sentyabr konfransında Təhsil Nazirliyi tərəfindən verilən tapşırıq, təklif və tövsiyələr ümumtəhsil müəssisələrinin rəhbərlərinin nəzərinə çatdırılmışdır.
2020-2021-ci tədris ilində əldə olunan nailliyyətlər və ümumi reytinq cədvəlinə əsasən Biləsuvar Rayon Təhsil Şöbəsinin 25-ci pillədən 16-cı pilləyə qalxaraq müsbət dinamik göstəricisi münasibətİ ilə ümumitəhsil müəssisə rəhbərlərinə və pedaqoji heyətə təşəkkür edilmiş, tədrisin keyfiyyətinin artırılması, hədəf qoyulan zirvəyə çatmaq ,daha yüksək nailiyyətlərin əldə edilməsi istiqamətində təkliflər irəli sürülmüş, müzakirələr aparılmışdır.