Koronavirus pandemiyasının davam etdiyi bir dövrdə hamının narahatçılığı təbiidir. Hər kəs gözəgörünməz düşmənə qarşı mübarizə aparmağa, özünü təhlükəli virusdan qorumağa çalışır. Bizim fədakar və qəhrəman həkimlərimiz isə nəinki özləri, insanların həyatı üçün mübarizədədir.“Bilesuvarinfo” xəbər verir ki, Biləsuvar rayon Mərkəzi Xəstəxanasının tibbi heyəti pandemiyası zamanı həyatlarını riskə ataraq xəstəliyə qarşı mübarizə aparırlar.
Bu gün insanlara inam və ümid bəxş edən həkimlərimizin əməyi ən yüksək qiymətə layiqdir. Rayon xəstəxanasında xətəliyə qarşı mübarizədə öndə duran, hər günü, hər anı riskli fəaliyyətinə həsr edən həkimlərdən biridir - Zakir həkim.
Zakir Cavadov ömrünü rayonda insanların sağlımlığına sərf edib. O, xəstəxanada Klinik laboratoriya rəhbərlik etdiyi illərdə insanlara qayğıkeş, təəssübkeş həkim kimi tanışdır.
Zakir həkim hal-hazırda da üzərinə düşən, məsuliyyətli işin öhdəsindən uğurla gələməyi bacarır. Hər gün o, yüzldən artıq insanda təhlükəli virusun müayinəsin aparır. Digər xəstələrin qan analizlərini həyata keçirir. Boş vaxtında stasionar müalicə alan xəstələrin yanına tələsir ki, onların lazım olan qan müayinələrini və köçürmələri etsin.
Zakir həkim gərgin fəaliyyətinə baxmayaraq hər zaman özünü nikbin aparır. Bu günkü çətin fəaliyyətin yaratdığı yorğunluğa baxmayaraq, hər vaxt xoş əhval ruhiyyədə olan Zakir həkim, posientlərininə xoş rəftarı və sözləri ilə mənəvi qida verməyi də bacarır.
Zakir həkim çətin fəaliyyətində uğurlar, Ulu Yaradandan can sağlığı diləyirik!.
