Fevralın 26-da Bakı vaxtı ilə saat 17:00-da Biləsuvar Dövlət Aqrar İnkişaf Mərkəzində Xocalı soyqırımı qurbanlarının xatirəsi bir dəqiqəlik sükutla yad olundu.
Həmin anda Biləsuvar rayonunda, kənd və qəsəbələrində nəqliyyat vasitələrinin hərəkəti dayandırılıb, Azərbaycanın dövlət bayraqları endirilib.
Qeyd edək ki, Xocalı soyqırımı zamanı 613 nəfər öldürülüb, 1275 nəfər girov götürülüb. Qətlə yetirilənlərin 63-ü uşaqlar, 106-sı qadınlar, 70-i qocalar olub. Soyqırımı nəticəsində 8 ailə tamamilə məhv edilib, 25 uşaq hər iki valideynini, 130 uşaq isə valideynlərindən birini itirib. Girov götürülənlərdən 155-nin taleyi hələ də məlum deyil.
Allah bütün şəhidlərimizə rəhmət eləsin!
