Biləsuvarda Ramazan bayramı ərəfəsində şəhid ailələri və qazilər növbəti dəfə bir arada olub.“Bilesuvarinfo” xəbər verir ki, onları ehsan süfrəsi arxasında toplanılması təşəbbüsilə çıxış edən sahibkar Ramil Əsgərov və Zəfər Əliyev olub.
Biləsuvar şəhərində müqəddəs bayram ərəfəsində təşkil olunan məclisdə şəhid ataları və qazilərlə bir araya ictimaiyyət nümayəndələri də gəlmişdi.Tədbirdə şəhidlərimizin ruhuna dualar edilib, on bir ayın sultanı olan Ramazanın fəzilətlərindən danışılıb.
Tarixə 44 günlük müharibə kimi düşən Vətən müharibəsindən, şəhidlərin gənclərə nümunə olan qısa, lakin şərəfli ömür yolundan danışılıb. Müharibədə şəhidlərin qanının yerdə qalmadığı, Müzəffər Ali Baş Komandan İlham Əliyevin rəhbərliyi ilə böyük Qələbənin tarixi əhəmiyyəti xüsusi qeyd edilib.
Qeyd edilib ki, müqəddəs kitabımız olan “Qurani-Kərim”in nazil olduğu Ramazan ayı dinimizdə uca və müqəddəs sayılan, insanları sülhə, həmrəyliyə, əxlaqi saflığa dəvət edən mübarək aylardandır.Ramazan ayında iftar süfrələrinin təşkil edilməsi cəmiyyətimizin vahidliyinin, ümumi amallar naminə ölkəmizdə dövlətlə din arasında sıx birliyin bariz nümunəsidir.
Məclis iştirakçıları Vətən müharibəsi iştirakçısı, döyüşlərdə yaralanan Elmir Şahverdiyevin (Ağayrı kəndindən olan) qayğıları ilə də maraqlanıb, ona mümkün dəstəyin olunacağını bildirmişlər.
Sonda mərasim iştirakçıları şəhid İqbal Astanlının xatirə kompleksini ziyarət edib, burada xatirə şəkli çəkdirdilər.
