" Biləsuvarinfo.az" xəbər verir ki, hadisə rayonun Xırmandalı kəndi ərazisində baş verib.
Sözügedən kəndin sakini olan, 1952-ci il təvəllüdlü Məmmədhəsən Həsənov idarə etdiyi "Vaz 07" markalı, 12 BX 137 dövlət qeydiyyat nişanlı minik avtomobili ilə hərəkətdə olarkən idarəetməni itirib.
Qəzada idarəetmədən çıxan maşının ağaca çırpılması nəticəsində sürücünün sərnişini, həyat yoldaşı olan 1952-ci təvəllüdlü Şahbazova Elzangül Lətiv qızı hadisə yerində dünyasın dəyişib.
Qeyd edək ki, qəzaya düşən baba və nənə 12 il sonra anadan olan nəvələrinin bu gün təşkil etmək istədikləri məclisi üçün bazarlıqdan qayıdırmışlar.
Faktla bağlı Biləsuvar RPŞ-də araşdırma aparılır.
