Biləsuvarda "1001 palıd" adlı layihə icra edilib - FOTOLAR » Yerli İnformasiya Agentliyi
» » Biləsuvarda "1001 palıd" adlı layihə icra edilib - FOTOLAR

Biləsuvarda "1001 palıd" adlı layihə icra edilib - FOTOLAR


Biləsuvar rayonunda "1001 palıd" adlı layihə icra edilib.


"bilesuvarinfo.az"
xəbər verir ki, "Müasir Gənclərin İnkişafına Dəstək" İctimai Birliyi “1001 palıd" adlı yeni təşəbbüs həyata keçirib. 


Belə ki, Biləsuvar şəhərinin Mərkəzi parkı ərazisinin müəyyən hissəsində palıd ağacları bitib.


Ağacların altında minlərlə palıd fidanı cücərmiş, hətta bəzilərinin boyu 15-20 sm-ə çatmışdır. 


“1001 palıd” ideyasının məqsədi olaraq Biləsuvar Mərkəzi Parkı ərazisinin kiçik bir hissəsində bitən fidanlar dipçəklərə köçürülüb və müəyyən ərazidə qulluq edilib böyüdüləcək. 


Qeyd edək ki, təşəbbüsə qısa vaxt ərzində rayonun bir neçə təhsil və gənclər təşkilatları da qoşulub.


Layihəni “1001 palıd” adı altında ənənəvi olaraq hər il davam etdirməklə müəyyən olunan ərazidə palıd
ağaclarını çoxaldılması planlaşdırılır.


Palıd fidanlarını böyütmək, onlara daimi qulluq etmək və ərazinin ayrılmasına Biləsuvar rayon İcra Hakimiyyəti tərəfindən dəstək göstərilir.


Bildirək ki, layihənin icra prosesinə pandemiya qaydalarına riayət etməklə bu gün saat 10:00-da Biləsuvar rayonu Mərkəzi parkında start verilib.

XƏBƏRLƏR ŞÖBƏSİ

Şərhlər: 1
Şərh yaz
İnformasiya
Qonaq qrupunda olanlar istifadəçilər bu Xəbəra şərh əlavə edə bilməz.
  1. 
    Elektronic
    • Elektronic
    • 17 may 2021 20:32
    İnşallah Biləsuvarda yaşıllıqlar çoxalar.bizim rayon həqiqətən çox səhradı.şəxsən mən hər şeyə hazıram.özümdə yol qırağlarına ağac əkirəm


karvan