» » » Atası kimi o, da Vətən üçün döyüşdü, qələbəylə geri döndü - FOTOLAR


Atası kimi o, da Vətən üçün döyüşdü, qələbəylə geri döndü - FOTOLAR

Vətən müharibəsinin qəhrəman oğullrından da biri Rüstəm Rafiq oğlu Teymurovdur.

bilesuvarinfo.az xəbər verir ki, o, 2001-ci ilin aprelin 23-də  Biləsuvar şəhərində anadan olub. Biləsuvar şəhər Nizami adına 1 saylı tam orta məktəbi bitirib. 2019-cu ilin aprel ayında həqiqi hərbi xidmətə yollanıb. Cəbhənin Goranboy rayonunda yerləşən "N" saylı hərbi hissədə  ximətini başa vurmağa sayılı günlər qalmış 2020-ci ilin sentyabrın 27-dən  başlayan  Vətən müharibəsinə Rüstəm də həmin istiqamətdən qatılır.  Qorxmaz, cəsur  döyüşçü illərdi gözlənilən hücum əmrinə sanki susamışdı.
İri çaplı pulemyotlardan istifadə edən manqa komandiri Rüstəm Kəlbəcər istiqamətində (Gülüstan kəndindən) döyüşlərə başlayır. Düşmənin 30 il müddətində qurduğu keçilməz istehkamları yarmaq nə qədər çətin olsa da, aldığı əmrlə özü kimi rəşadətli manqası qısa zamanda bu sədləri aşıb keçir. Yeni mövqelərdə möhkəmlənən  taborları Talış kəndi istiqamətdə düşmənə məğlubiyyət yaşadır. Murovdağda, Suqovuşanda, Kəlbəcərin "Kəhillər xarabalığı" uğrunda həllədici döyüşlərdə Rüstəm sərrast pulemyot atışları ilə xüsüsi rəşadətlər göstərib.

Ali Baş Komandan tərəfindən imzalanan müvafiq sərəncamlarla "Suqovuşanın  azad olunmasına görə"  və "Vətən müharibəsi iştirakçısı" medalları ilə təltif olunan Rüstəm ötən gün (2 aprel) tərxis olunaraq doğmalarının yanına - doğulduğu Biləsuvar şəhərinə qayıdıb.

Qeyd edək ki, qəhərəmanımızın atası Rafiq Müqabil oğlu Teymurov da 1-ci Qarabağ müharibəsində  fədakarlıq göstərən döyüşçülərdəndi. 2-ci qrup Qarabağ  əlilidir.   Leytenant R.Teymurov xüsusi bacarıqlarına  görə, müstəqilliyimizin ilk illərində Türkiyəyə  göndərilən hərbiçilərdəndir. Orda artilleriya üzrə 3 aylıq topçu kursunu bitirib. Top  komamdiri kimi, 1992-1995-ci illərdə Fizuli istiqamətində uğurlu döyüş əməliyyatlarının iştirakçısı olub.   

       Surxay Şahbazov 
       Baş redaktor

Şərhlər: 0
Şərh yaz
İnformasiya
Qonaq qrupunda olanlar istifadəçilər bu Xəbəra şərh əlavə edə bilməz.
karvan